Vergilər naziri Mikayıl Cabbarov “Coca-Cola” şirkətinin Qafqaz və Mərkəzi Asiya ölkələri üzrə yeni təyin olunmuş baş meneceri Eser Manavın rəhbərlik etdiyi nümayəndə heyəti ilə görüşüb.
Nazirlikdən “APA-Economics”ə verilən məlumata görə, E.Manav təyinatdan sonra səfər etdiyi ilk ölkə kimi Azərbaycanı seçdiyini və şirkətin fəaliyyətinin genişləndirilməsi üçün Azərbaycanda geniş imkanlar olduğunu qeyd edib, vergilər sahəsində qanunvericiliyin və inzibatçılığın təkmilləşdirilməsi istiqamətində aparılan işləri yüksək qiymətləndirib. Vergilər naziri ölkəmizdə əlverişli iqtisadi mühitin mövcudluğu vurğulayıb, “Coca-Cola” şirkətinin Azərbaycandakı fəaliyyəti və həyata keçirdiyi sosialyönümlü layihələri qeyd edib.
Görüşdə qarşılıqlı maraq doğuran məsələlər ətrafında fikir mübadiləsi aparılıb, Vergilər Nazirliyinin müzakirələr aparmağa hər zaman açıq olduğu diqqətə çatdırılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
