MDB

Ana səhifə

MDB

Janaozenin sabiq meri 10 il azadlıqdan məhrum edilib

25 sentyabr 2012 12:52 (UTC +04:00)

Bakı-APA. Ötən ilin dekabrında kütləvi iğtişaşların baş verdiyi Qazaxıstanın Janaozen şəhərinin sabiq meri əmlakı müsadirə olunmaqla 10 il müddətinə azadlıqdan məhrum edilib. APA-nın məlumatına görə, məhkəmə keçmiş meri cinayət hazırlamaq və cinayətə sövq etmək maddələri ilə günahkar bilib. Sabiq mer ictimai fondlar vasitəsilə əhalinin aztəminatlı təbəqəsinə yardım göstərmək üçün ayrılmış 666 dollar dövlət vəsaitini mənimsəməkdə günahkar bilinir.

Qeyd edək ki, Qazaxıstan Baş Prokurorluğu Janaozendə kütləvi iğtişaşlarla bağlı araşdırmanın ilkin nəticələrini açıqlayan zaman şəhərdə sosial gərginliyin artmasının əsas səbəblərindən biri kimi məmurların və neft şirkəti rəhbərlərinin öz səlahiyyətlərinsən sui-istifadə etməsini göstəriblər. Maaşın azlığına və sosial şəraitin pisliyinə etiraz edən neftçilər yeddi ay tətil ediblər. Dekabrın 16-da isə şəhərin mərkəzində tətilçilərlə hökumət qüvvələri arasında toqquşmalar baş verib, nəticədə 16 nəfər ölüb, 100-dən artıq insan yaralanıb. Bu ilin fevralında sabiq mer Sarbopeyev və 9 il şəhər administrasiyasına rəhbərlik etmiş Jalqas Babaxanov həbs olunub.