Zelenskinin yenidən silahla təmin olunmasına imkan verəcək atəşkəs olmayacaq.
APA-nın Moskva bürosu xəbər verir ki, bunu Rusiya xarici işlər naziri Sergey Lavrov Bakıda keçirdiyi mətbuat konfransında bildirib.
O, həmçinin, Zelenskinin Rusiya neft emalı zavodlarına zərbələri davam etdirmək qərarını ABŞ Prezidenti Donald Trampa qarşı “birbaşa və açıq-aşkar bir çağırış” adlandırıb.
Lavrovun sözlərinə görə, Zelenski seçkilərlə maraqlanmadığını açıq şəkildə bildirib və qəsdən qəbuledilməz şərtlər irəli sürüb.
Xarici işlər naziri əlavə edib ki, Rusiya yeni ABŞ-Avropa sülh planı üçün rəsmi təkliflər almayıb: “Moskva Qərb mediasının dərc etdiyi ideyalarda uzunmüddətli nizamlanma üçün heç bir əsas görmür. Xüsusi hərbi əməliyyatın məqsədləri və Rusiyanın Ukrayna münaqişəsi ilə bağlı mövqeyi dəyişməz olaraq qalır”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
