MDB

Ana səhifə

MDB

Putin-Uitkoff-Kuşner danışıqları başa çatıb - VİDEO - YENİLƏNİB-2

06 sentyabr 2026 00:11 (UTC +04:00)

Rusiya Prezidenti Vladimir Putinin ABŞ Prezidentinin xüsusi elçiləri Stiv Uitkoff və Cared Kuşnerlə Ukrayna münaqişəsinin nizamlanması ilə bağlı danışıqları başa çatıb.

APA-nın Moskva bürosunun məlumatına görə, Kremldə keçirilən görüş 3 saat davam edib.

Danışıqlar başa çatdıqdan sonra Uitkoff və Kuşner Kremli tərk ediblər.

***
23:38

Rusiya Prezidenti Vladimir Putinin ABŞ Prezidentinin xüsusi elçiləri Stiv Uitkoff və Cared Kuşnerlə Ukrayna münaqişəsinin nizamlanması ilə bağlı danışıqları iki saatdan çoxdur davam edir.

APA-nın Moskva bürosunun məlumatına görə, görüş Kremldə keçirilir.

Qeyd edək ki, Donald Trampın xüsusi nümayəndələri Uitkoff və Kuşner Ukrayna münaqişəsinin nizamlanması perspektivlərini müzakirə etmək məqsədilə sentyabrın 5-də Moskvaya səfər ediblər.

Onların Moskvadakı danışıqlardan sonra sentyabrın 6-da Kiyevə səfər edərək Ukrayna Prezidenti Volodimir Zelenski ilə görüşəcəkləri gözlənilir.

***
21: 00
Rusiya prezidenti Vladimir Putinin ABŞ prezidentinin xüsusi elçiləri Stiv Uitkoff və Cared Kuşnerlə görüşü baş tutub.

APA-nın Moskva bürosu xəbər verir ki, görüş Kremldə keçirilir.

Rusiya tərəfdən görüşdə prezidentin beynəlxalq məsələlər üzrə köməkçisi Yuri Uşakov və xüsusi nümayəndəsi Kirill Dmitriyev iştirak edir.

Kremlin mətbuat xidməti görüşün görüntülərini yayıb.

Putin amerikalı danışıqçılarla görüşdə müzakirə edəcəyi vəziyyəti mürəkkəb adlandırıb.

Fərid Əkbərov

***
20:50

ABŞ Prezidenti Donald Trampın xüsusi nümayəndəsi Stiv Uitkoff və ABŞ-lı iş adamı Cared Kuşner Moskvada Kremlə gəliblər.

TASS-ın məlumatına görə, Uitkoff və Kuşnerin olduğu avtomobil karvanını Rusiya Prezidentinin xarici ölkələrlə investisiya-iqtisadi əməkdaşlıq üzrə xüsusi nümayəndəsi, Rusiya Birbaşa İnvestisiyalar Fondunun rəhbəri Kirill Dmitriyev müşayiət edib.

Rusiya Prezidentinin mətbuat katibi Dmitri Peskov daha əvvəl bildirib ki, Prezident Vladimir Putin sentyabrın 5-də Moskvada səfərdə olan Uitkoff və Kuşnerlə görüş keçirəcək.