Moskva. Fərid Əkbərov - APA. İŞİD Dağıstanın Mahaçqala şəhəri yaxınlığında Rusiya Daxili İşlər Nazirliyinin avtomobil karvanının partladılmasına görə məsuliyyəti üzərinə götürüb.
APA-nın Moskva müxbirinin xəbərinə görə, bu barədə "Röyters" terrorçulara yaxın "Amaq" agentliyinə istinadən məlumat yayıb.
Radikallar partlayışın onların yerli təşkilatı tərəfindən törədildiyini təsdiqləyiblər.
Qeyd edək ki, dünən axşam Rusiya DİN-in avtomobil karvanı naməlum şəxslər tərəfindən partladılıb. Avtomobillərdə Krasnoyarsk şəhərinin polis əməkdaşları olub. Əldəqayırma partlayıcının işə düşməsi nəticəsində bir nəfər ölüb, iki nəfər isə yaralanıb.