Bakı-APA. Ukrayna prezidenti Pyotr Poroşenkoya dövlət bayrağının rənglərini dəyişməyi təklif edilib. APA-nın məlumatına görə, müvafiq petisiya dövlət başçısının saytında qeydə alınıb.
“Dövlət bayrağının rənglərinin “göy səma” və “qızıl zəmi” kimi izahı çox bəsitdir”, - deyə petisiyanın müəllifi Nadejda Kaşitskaya bildirib.
Onun sözlərinə görə, bayrağın rəngləri, əslində, iki ünsürü – od və suyu simvolizə edir. Nadejda Kaşitskaya hesab edir ki, dövlət bayrağının rənglərinin hazırkı ardıcıllığı – “göy – yuxarıda, sarı – aşağıda” nizamlılığın pozulması, faciə, “su odu söndürür” mənası verir. Kaşitskaya dövlət bayrağında rənglərin ardıcıllığını dəyişməyi, yəni “sarının – yuxarıda, göyün isə – aşağıda” olmasını təklif edib. Petisiyanın müəllifi iddia edir ki, məhz belə ardıcıllıq əbədi simmetriyanı – qeyd olunan ünsürlərin ilahi harmoniyasını əks etdirir.
Təklifə Poroşenko tərəfindən baxılması üçün petisiyanı 25 min nəfər dəstəkləməlidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
