Bakı – APA. Rusiya Dövlət Dumasına keçirilən seçkilərdə hakim “Vahid Rusiya” Partiyası qalib gəlir.
APA-nın məlumatına görə, Mərkəzi Seçki Komissiyası bülletenlərin 80%-nin hesablanmasını başa çatdırıb.
Nəticələrə əsasən “Vahid Rusiya” 54,28%, Kommunist Partiyası 13,61%, Liberal-Demokrat Partiyası 13,37%, “Ədalətli Rusiya” Partiyası isə 6,17% səs toplayıb. “Vahid Rusiya” həmçinin 225 birmandatlı dairələrdən 203-də liderliyi qoruyub saxlayır.
Digər 10 siyasi partiya 5%-lik minimum həddi aşa bilməyib.
Qeyd edək ki, deputat mandatı uğrunda 14 siyasi partiya və 2100-ə yaxın müstəqil namizəd mübarizə aparıb.
***
06:33
Bakı-APA. Rusiyada keçirilmiş Dövlət Dumasına seçkilərdə “Vahid Rusiya” Partiyası qalib gəlir.
APA-nın TASS agentliyinə istinadən verdiyi xəbərə görə, bülletenlərin 70 faizinin hesablanmasından sonra “Vahid Rusiya” Partiyası 54,13% səs toplayıb.
İkinci yerdə Kommunist Partiyası (13,78), üçüncü yerdə isə Liberal Demokrat Partiyası (13,53%) qərarlaşıb. “Ədalətli Rusiya” Partiyasına seçicilərin 6,13 faizi səs verib.
Digər 10 siyasi partiya 5%-lik minimum həddi aşa bilməyib.
***
04:10
Bakı-APA. Rusiyada baş tutan Dövlət Dumasına seçkilərdə “Vahid Rusiya” Partiyasının liderliyi davam edir.
APA-nın TASS agentliyinə istinadən verdiyi xəbərə görə, bülletenlərin 50 faizinin hesablanmasından sonra “Vahid Rusiya” Partiyası 53,54% səs toplayıb.
14% səs toplayan Kommunist partiyası səsvermədə Liberal Demokrat Partiyasını (13,9%) ilk dəfə qabaqlaya bilib. “Ədalətli Rusiya” Partiyasına seçicilərin 6,21 faizi səs verib.
Digər siyasi partiyalar 5%-lik minimum baryeri hələ ki, aşa bilməyiblər.
***
01:40
Bakı-APA. Rusiyada baş tutan Dövlət Dumasına seçkilərdə “Vahid Rusiya” Partiyası liderlik edir.
APA-nın TASS agentliyinə istinadən verdiyi xəbərə görə, bülletenlərin 25 faizinin hesablanmasından sonra “Vahid Rusiya” Partiyası 51,04% səs toplayıb.
İkinci yerdə Liberal Demokrat Partiyası (15,10%) , üçüncü yerdə isə Kommunist Partiyası (14,85) qərarlaşıb. “Ədalətli Rusiya” Partiyasına seçicilərin 6,42 faizi səs verib.
***
00:43
Bakı-APA. Rusiyada baş tutan parlament seçkilərində “Vahid Rusiya” Partiyası liderlik edir.
APA-nın TASS agentliyinə istinadən verdiyi xəbərə görə, bülletenlərin 15 faizinin hesablanmasından sonra “Vahid Rusiya” Partiyası 47,99% səs toplayıb.
Liberal Demokrat Partiyasına seçicilərin 16,45 , Kommunist Partiyasına 15,85, “Ədalətli Rusiya”ya isə 6,51 faizi səs verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
