Mədəniyyət siyasəti

Ana səhifə

Mədəniyyət siyasəti

Naibə Allahverdiyeva Musiqili Komediya Teatrında hazırlanan tamaşaya dəvət olunub

06 fevral 2009 09:48 (UTC +04:00)

Bakı. Ülkər Qasımova - APA. Gələn il Azərbaycan Dövlət Musiqili Komediya Teatrının 100 illik yubileyi qeyd ediləcək. Yubileylə əlaqədar teatrda geniş hazırlıq işləri görülür və kollektiv yubiley repertuarı üzərində ciddi seçimlər aparır. Teatrın mətbuat xidmətindən APA-ya bildirilib ki, yazıçı Maarif Məmmədov ilk pyesini kollektivə təqdim edib. Yazıçının “Matəm marşı və ya gözünüz aydın” əsərinin səhnələşdirilməsinə hazırlıq gedir. Müasir mövzuda yazılan əsərin quruluşunu teatrın baş rejissoru Yusif Əkbərov verəcək, səhnə tərtibatı isə rəssam Nabat Səmədovaya məxsus olacaq. Xalq artistləri Arif Quliyev, İlham Namiq Kamal, Fatma Mahmudova, əməkdar artistlər Ramiz Məmmədov, Xanım Qafarova və digər aktyorların rol aldığı yeni tamaşada toy və yas mərasimlərinin ünvanını dəyişik salan bir qrup musiqiçinin macəralarından bəhs olunur. Əsas rollardan birinə tamaşacıların gülüş ustası kimi tanıdığı Azərbaycan Dövlət Gənc Tamaşacılar Teatrının aktrisası, respublikanın əməkdar artisti Naibə Allahverdiyeva dəvət edilib.