Mədəniyyət siyasəti

Ana səhifə

Mədəniyyət siyasəti

“Eurovision” Administrasiyasının nümayəndəsi: “Siyasi mahnılar “Eurovision” müsabiqəsinə buraxılmayacaq”

20 fevral 2009 11:11 (UTC +04:00)

Bakı. Ülkər Qasımova - APA. ““Eurovision” mahnı müsabiqəsində siyasi mahnının səslənməsinə imkan verilməyəcək”. APA-nın “RİA Novosti” saytına istinadən yaydığı xəbərə görə, bunu “Eurovision” Administrasiyasının nümayəndəsi Yaarmo Siym deyib: “Siyasi motivli mahnılar heç vaxt “Eurovision”-a buraxılmayıb və buraxılmayacaq. Gürcüstanın təklif etdiyi mahnı barədə fikrimizi martın 16-dan sonra - mahnıların qəbulu bitəndən sonra bildirəcəyik”. O, həmçinin, qeyd edib ki, müsabiqənin təşkilatçısı olan Avropa Yayım İttifaqı Gürcüstan tərəfindən “Eurovision-2009”-a antirusiya mahnısının təqdim olunmasına hələ ki, münasibət bildirmir. Y. Sim xatırladıb ki, bütün iştirakçıların ifa edəcəkləri mahnılar martın 16-dək Avropa Yayım İttifaqına təqdim olunmalıdır: “Mövcud qaydalara görə həmin tarixə kimi iştirakçıların mahnını dəyişmək və üzərində hansısa dəyişiklik etmək imkanı var”.

Qeyd edək ki, Gürcüstanı “Eurovision-2009” mahnı yarışmasında təmsil edəcək “Stephane&3G” qrupunun ifa edəcəyi mahnı “We Don’t Wanna Put In” (“Biz Putini istəmirik”) adlanır.

“Eurovision_2009”