Mədəniyyət siyasəti

Ana səhifə

Mədəniyyət siyasəti

Bakıda Venesiya maskalarının satış-sərgisi keçiriləcək

23 mart 2009 20:52 (UTC +04:00)

Bakı. Ülkər Qasımova - APA. Martın 27-də Bakıda Venesiya maskalarının satışı sərgisi açılacaq. Bakı İncəsənət Mərkəzinin direktoru Rəfael Gülməmmədlinin APA-ya verdiyi məlumata görə, satış-sərginin “Yeni Gallery” Qalereyasında gerçəkləşməsi nəzərdə tutulur. Venesiya maskalarının satış-sərgisi Azərbaycan-İtaliya Ticarət Palatasının Prezidenti Marqarita Kosta və “Yeni Gallery”nin birgə təşkilatçılığı ilə baş tutacaq. Sərgi 14-24 fevralda İtaliyanın Venesiya şəhərində keçirilmiş ənənəvi karnavalda istifadə olunan maskaları nümayiş etdiriləcək. Bakıda keçiriləcək sərgi Maska bayramı adı altında keçiriləcək. Satış-sərginin martın 29-dək davam etdirilməsi planlaşdırılır.

Qeyd edək ki, Venesiya maskaları İtaliya maskaradlarının ənənəvi atributudur. Bütün üzü örtən müxtəlif maskalar qadının sirli olduğunu nəzərə çarpdırır, bununla da onun xasiyyətini göstərir. Yalnız üzün yuxarı hissəsini əhatə edən zərif, incə yarım maskalar onun sahibinin ən qiymətli məftunedici təbəssümünü göstərir. Keçmişdə venesiyalılar hər zaman, təkcə karnaval zamanı yox, həm də adi günlərdə də maskalar taxardılar. İtaliyanın şimalında yerləşən Venesiya şəhəri kiçik, materikdən ayrılmış şəhər olmuş və olaraq qalır. Buna görə də, buranın sakinləri bir-birilərini üzdən tanıyırlar. Karnavalın bir çox maskaları küçə teatr tamaşalarının xüsusi növü olan “del arte” italyan komediyalarının maska variantlarıdır. Buraya Arlekin, Kolombina, Pedrolino, Pulçinella daxildir ki, onlardan hər biri müəyyən xarakterik xüsusiyyətləri, rəftarı və geyimi ilə fərqlənirdi. Teatrla bağlı olmayan klassik maskalara isə Bauta, Venesiya xanımı, Pişik, Vəba Həkimi maskası aiddir.

İlk maskalar 1436-cı ildən “Mascareri” tərəfindən istehsal olunmağa başlanıb. Bizim dövrümüzdə Venesiya maskalarını yeni, lazımi formada görmək olar. Tesma, gümüş, qızıl iplər, zınqırovlar, zərxara, ipək, “Svarovski” daşları bunlar hamısı bəzəyə aiddir. İndi Venesiyada turistlərə yüzlərlə maska təklif edən xeyli mağaza var, ancaq yalnız bəzi emalatxanalar əvvəllər olduğu kimi, paye-maşedən hazırlanan maskalar təklif edə bilər.

Qiymətlər müxtəlif şəkildə göstərilir, ancaq həmişə orijinallığı təmin edən “Sertifikat” təqdim olunur. Ailəli cütlük olan Edmondo və Majlinda Angoni artıq 10 ildir ki, öz emalatxanalarında Venesiya maskalarının istehsalı ilə məşğul olur. Bütün maskalar qədim ənənələrə və texnologiyaya əsaslanaraq əl ilə hazırlanır.