Mədəniyyət siyasəti

Mədəniyyət siyasəti

“Kanal Kultura” televiziyasında Dövlət Gənc Tamaşaçılar Teatrının kollektivinin ifasında “Pəri Cadu” tamaşası nümayiş etdiriləcək

10 iyun 2009 12:29 (UTC +04:00)

Bakı. Ülkər Qasımova-APA. Kazanda keçirilən türk xalqlarının “Nauruz” adlı IX Beynəlxalq Teatr Festivalında iştirak edən Azərbaycan Dövlət Gənc Tamaşaçılar Teatrı orada uğurla çıxış edib. Artıq səfərdən qayıdan teatrın direktoru Mübariz Həmidov APA-ya bildirib ki, iyunun 14-də Kazanın “Kanal Kultura” televiziyasında Azərbaycan Dövlət Gənc Tamaşaçılar Teatrının kollektivinin ifasında Ə. Haqverdiyevin “Pəri Cadu” tamaşası nümayiş etdiriləcək. Nümayiş zamanı kanal əməkdaşlarının M. Həmidovla müsahibəsi də yayımlanacaq.

Tamaşanın quruluşçu rejissoru Nicat Kazımov, rəssamı Lətifə Quluzadə, tryukların quruluşçusu İsa Əsədov, sinxron tərcümə isə Səriyyə İsmayılovaya məxsusdur. Tamaşada əməkdar artist Naibə Allahverdiyeva, artistlərdən Kəmalə Hüseynova, Elşən Rüstəmov, Mehriban Abdullayeva, Sonaxanım Əliyeva, Güşvər Şərifova, Günel Məmmədova, Aybəniz Əhmədova, Mehriban Hüseynova, İradə Rəşidova, Rasim Cəfərov, Eyvaz İbrahimov, İlham Əsədov, Elnur Kərimov, Elşən Şıxəliyev, Ceyhun Məmmədov və Kərəm Hadızadə iştirak ediblər.