Bakı. Cavid Zeynallı – APA. Mədəniyyət və turizm naziri Əbülfəs Qarayev Avstriyanın Aviasiya Assosiasiyasının nümayəndə heyəti ilə görüşüb.
Nazirliyin informasiya və ictimaiyyətlə əlaqələr şöbəsindən APA-ya verilən məlumata görə, görüş zamanı iki ölkə arasında həyata keçirilən bir sıra layihələrdən söhbət açılıb.
Nazir Azərbaycan Turizm və Menecment Universiteti və Avstriyanın Krems Universiteti arasında həyata keçirilən əməkdaşlığı xüsusi olaraq vurğulayıb, ölkədə ikili diplom verən ilk təhsil müəssisəsi olduğunu bildirib.
Assosiasiyanın prezidenti, professor Rat Mario Rehulka Azərbaycan haqqında yüksək fikirlərini bildirib, universitet ilə əlaqələrin inkişaf etdiyini vurğulayıb.
Ölkəmizdə keçirilən beynəlxalq tədbirlərə ev sahibliyini vurğulayan Rat Mario “Eurovision” mahnı müsabiqəsi və I Avropa Oyunlarının ölkəmizin dünyada tanıdılması istiqamətində mühüm hadisə olduğunu qeyd edib.
Qonaqlar səfər çərçivəsində Lahıc, Qəbələ, Şəki turizm imkanları ilə tanış olub, Qobustan və Atəşgah kimi tarix və mədəniyyət abidələrinə səfər ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
