Bakı. Cavid Zeynallı – APA. Mədəniyyət və turizm naziri Əbülfəs Qarayevin rəhbərliyi ilə ISESCO-nun XII Baş konfransı və İcraiyyə Şurasının tədbirinin keçirilməsi ilə əlaqədar Təşkilat Komitəsinin iclası keçirilib.
Nazirliyin informasiya və ictimaiyyətlə əlaqələr şöbəsindən APA-ya verilən məlumata görə, iclas zamanı tədbirin keçiriləcəyi məkan, iştirakçıların sayı, iştirakçıların yerləşdiriləcəyi mehmanxanalar, qonaqlar üçün təklif olunacaq mədəni proqram, tədbirin texniki təchizatı və ümumilikdə hazırlıqla əlaqədar digər məsələlər ətrafında müzakirələr aparılıb.
Qeyd edilib ki, nüfuzlu tədbirin Azərbaycanda keçirilməsi ölkəmizlə islam ölkələri və nüfuzlu təşkilatlarla mövcud olan sıx əməkdaşlığın və dövlətimizə göstərilən yüksək etimadın nəticəsidir.
Nazir vurğulayıb ki, prezident İlham Əliyev islam dünyası ilə münasibətlərin inkişafına böyük önəm verir və konfrans əlaqələrin daha da dərinləşməsində mühüm rol oynayacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
