Bakı. Cavid Zeynallı – APA. Məşhur gürcü teatr rejissoru, SSRİ xalq artisti Robert Sturuanın səhnələşdirdiyi tamaşalar Azərbaycan Dövlət Musiqili Teatrında nümayiş olunacaq.
Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, tamaşaların nümayişi Şota Rustaveli adına Tiflis Dövlət Dram Teatrının oktyabr ayında Azərbaycana qastrol səfəri çərçivəsində baş tutacaq.
Oktyabrın 9-da Tamaz Çiladzenin “Ov mövsümü”, 11-də isə Terrens Maknellinin “Mariya Kallas - Dərs” tamaşaları azərbaycanlı sənətsevərlərə təqdim olunacaq.