Bakı – APA. Avropa Liqasının pley-off mərhələsində “Qarabağ”la qarşılaşacaq “Ayntraxt” Ağdam təmsilçisindən ehtiyatlanır. Apasport.az saytının məlumatına görə, bunu Frankfurt komandasının baş məşqçisi Armin Fe də gizlətmir.
Avqustun 22-də baş tutacaq ilk qarşılaşma ərəfəsində görüşlərin çətin keçəcəyini bildirən Fe “Qarabağ”ın braziliyalı legionerlərindən daha çox çəkindiyini vurğulayıb: “Avrokuboklarda asan oyun olmur. Elə “Qarabağ”la görüşlər də asan olmayacaq. Rəqibin heyətində yaxşı futbolçular var. Xüsusilə, braziliyalıları ustalıq səviyyəsi ilə diqqət çəkirlər”.
Qeyd edək ki, “Qarabağ”la “Ayntarxt” avqustun 22-də Bakıda, 29-da Frankfurtda qarşılaşacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
