Bakı. Rəşad Süleymanov – APA. Türkiyənin NATO-dan istədiyi “Patriot” raketləri yalnız müdafiə məqsədi daşıyır. APA-nın məlumatına görə, bunu Bakıda jurnalistlərə açıqlamasında Türkiyə Böyük Millət Məclisinin (TBMM) sədri Cəmil Çiçək deyib. O bildirib ki, bu raketləri Türkiyə öz ərazisinin müdafiəsi məqsədilə ölkədə yerləşdirmək niyyətindədir: “Bildiyiniz kimi, Suriya tərəfindən Türkiyə ərazisinə mərmilər atıldı. Biz ölkəmizin ərazisini və əhalisini müdafiə etmək üçün müttəfiqlərimizə belə bir istəklə müraciət etdik”.