Bakı. Məlahət Nəcəfova-APA. Bu gün Moskvada Xəzər dənizinin ətraf mühitinin mühafizəsi üzrə çərçivə konvensiyası (Tehran konvensiyası) tərəflərinin 4-cü sessiyası keçirilir.
APA-nın Rusiyanın Ekologiya və Təbii Sərvətlər Nazirliyinin rəsmi saytına istinadən verdiyi məlumata görə, tədbirdə UNEP-in icraçı direktoru Axim Ştayner, Rusiya, Azərbaycan, Türkmənistan və İranın Ekologiya və Təbii Sərvətlər nazirliklərinin rəhbərləri, BMT İnkişaf Proqramının, Beynəlxalq Dəniz Təşkilatının, neft-qaz şirkətlərinin, QHT-lərin nümayəndələri iştirak edir.
Sessiya zamanı transsərhəd kontekstində ətraf mühitə təsirlərin qiymətləndirilməsi, biomüxtəlifliyin qorunması, Xəzər dənizinin yerüstü mənbələrdən və quruda aparılan işlərdən qaynaqlanmış çirklənmələrdən müdafiəsi üzrə protokolların imzalanması gözlənilir. Həmçinin görüşdə Xəzər dənizinin ətraf mühitinin monitorinqi proqramının layihəsi və Konvensiyanın daimi katibliyinin yeri müzakirə ediləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
