Bakı-APA. Keniyanın şimalındakı Baraqua rayonunda mal-qara oğruları polisləri pusquya salaraq 42 asayiş keşikçisini qətlə yetiriblər.
Polislər daha öncə 13 nəfəri qətlə yetirmiş mal-qara oğrularından ibarət dəstəni izləyərkən pusquya düşüb.
«Bu hadisə bizim təhlükəsizlik qüvvələrinin səriştəsizliyini üzə çıxarıb», deyə Keniya parlamentinin təhlükəsizlik komissiyasının sədri Uilfrid Kaponi bəyan edib.
O həmçinin «cinayətkarları zərərsizləşdirməkdən ötrü polislərin müvafiq silahlarla təchiz olunması üçün ciddi tədbirlər görməyin vaxtının çatdığını» bildirib.