Bakı-APA. «Əl-Qaidə»nin Avropada terror aktı törətmək təhlükəsi hələ də qalmaqdadır. Bu barədə Almaniyanın BMT yanındakı daimi nümayəndəsi Peter Uittiq bəyan edib.
«Əl-Qaidə» və onun əlaltıları Avropada terrorçu strukturların yaradılması üzərində işləyirlər. Bu bölgədə terror aktlarının baş vermə təhlükəsi qalmaqdadır», deyə Uittiq BMT Təhlükəsizlik Şurasının iclasında bildirib. Uittiq qeyd edib ki, 2011-ci ilin mayında şəbəkənin başçısı Üsamə ben Ladenin məhv edilməsindən sonra təşkilatın fəaliyyəti daha da mürəkkəbləşib. Onun sözlərinə görə, indi «Əl-Qaidə» şəbəkəsi bir çox ölkələrdə özünə dəstək qazanıb və güclü silahlılar ordusuna malikdir.
Peter Uittiq BMT Təhlükəsizlik Şurasının «Əl-Qaidə», onunla bağlı şəxslər və təşkilatlar komitəsinə rəhbərlik edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
