İmişli Şəkər Zavodu aldığı məhsulun qəbul qiymətini artırıb - FOTO

İmişli Şəkər Zavodu aldığı məhsulun qəbul qiymətini artırıb - <span style="color: red;">FOTO
# 04 dekabr 2012 10:34 (UTC +04:00)

Bakı – APA-Economics. Bu il Azərbaycanda şəkər çuğunduru yığımlarında yüksək məhsuldarlıq qeydə alınıb.

APA-Economics”in xəbərinə görə, şəkər çuğunduru istehsalının artırılmasının dəstəklənməsi və ölkə əhalisinin şəkərə olan tələbatının daxili istehsal hesabına ödənilməsi istiqamətində müsbət nəticələrə nail olunub. Bu münasibətlə İmişli Şəkər zavodunda keçirilən “Şəkər Bayramı”nda yüksək məhsuldarlıq əldə edən mülkiyyətçilərə şəkər tozu və kəllə qənd hədiyyə edilib.

Azərbaycanda çuğundur əkinləri təcrübəsinin qısa dönəmi əhatə etməsinə baxmayaraq, yerli fermerlər məhsul yığımlarını ilbəil artırır. Məhsulun şəkərlilik faizi də getdikcə artmaqdadır. Ölkə rəhbərliyinin ərzaq təhlükəsizliyinin təmini istiqamətində atdığı addımlar nəticəsində İmişli Şəkər Zavodunun xammal ehtiyatlarının daxili imkanlar hesabına təmin olunması şəraiti günbəgün yaxşılaşır. Zavodun dəstəyi ilə fermerlər hər növ texnika və gübrələrlə təmin olunublar. Aqrotexniki qulluq uğurla həyata keçirilib. İki minə yaxın mülkiyyətçi ilə əkin müqaviləsi bağlanıb. Mülkiyyətçilərdən Füzuli rayonundan Balaxan Məmmədov hektara 110 ton, İmişlidən Cəbrayıl rayonundan məcburi köçkün Əhməd Süleymanov hektara 66 ton, İmişli rayonundan Rabil Abbadov hektara 71 ton, İmişli Rayonundan Mehman Cavadov hektara 79 ton məhsul əldə edib.

Bu il hər hektar üçün orta məhsuldarlıq 37 ton olub. İmişli Şəkər Zavodu məhsulun qəbul qiymətini artıraraq, hər ton şəkər çuğunduru üçün 52 AZN ödəyir. Hər 1% şəkərlilik üçün əlavə olaraq 2 AZN mükafat ödəniləcək. Zavod tərəfindən həyata keçirilən bu tədbirlər nəticəsində mülkiyyətçilər keçmiş illərlə müqayisədə hektara 200-250 AZN əlavə mənfəət götürəcək.

#
#

ƏMƏLİYYAT İCRA OLUNUR