Tiflis. Nizami Məmmədzadə-APA. “Gürcüstanda enerji tariflərini aşağı salmaq üçün xüsusi komissiya yaradılacaq. Enerjidən istifadə tariflərinin aşağı salınması 2015-ci ildə baş tuta bilər.” APA-nın Gürcüstan bürosunun məlumatına görə, bu barədə “Gürcü Arzusu” blokunun seçkiqabağı konsepsiyasını hazırlayan Merab Dadiani bəyanat verib. Onun sözlərinə görə, yaradılacaq bu qrup 2015-ci ildən başlayaraq, Gürcüstanda energetikanın milli inkişaf proqramını hazırlayacaq. “Əgər mən desəm ki, bu gün Gürcüstan energetika nazirliyi artıq yanvarın 1-dən elmi əsaslarla enerji tariflərini aşağı salacaq, bu düz olmaz. Əhalini yanlışlığa çəkməyin. Bu, tarifin aşağı salınması yox, dövlətin yardımı, dotasiyası ola bilər. 2015-ci ildən isə yeni yaradılan xüsusi komissiya bu istiqamətdə işləyəcək.”
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
