Masallı rayonunda iki həftə əvvəl vəfat edən qadının avtomobillə vurulduğu müəyyən edilib.
APA-nın DİN-in saytına istinadən verdiyi məlumata görə, mayın 5-də Masallı rayonunun Şatıroba kəndində yaşayan 77 yaşlı Şəfiqə Tağıyeva evindən qol və ayaq sümüyünün sınığı ilə xəstəxanaya gətirilib. O, izahatında xəsarətin evində yıxılması nəticəsində aldığını bildirib.
Ş.Tağıyeva mayın 7-də xəstəxanada ölüb.
Masallı RPŞ əməkdaşları tərəfindən aparılan araşdırmalarla Ş.Tağıyevanın Şatıroba kəndi ərazisində kənd sakini Sübəddin Ağayevin idarə etdiyi "VAZ-2107" markalı avtomobillə vurulması müəyyən edilib.
Faktla əlaqədar cinayət işi başlanılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
