Bakı. Ramil Məmmədli-APA. Bakı Şəhər İcra Hakimiyyəti (BŞİH) İctimai Palatanın (İP) dekabrın 10-a təyin etdiyi aksiya ilə bağlı müraciətini cavablandırıb.
İP katibi, Müsavat Partiyası sədrinin müavini Gülağa Aslanlının APA-ya verdiyi məlumata görə, paytaxt rəhbərliyinin cavabında İP-in Milli Məclisin binası qarşısında keçirmək istədiyi etiraz aksiyası məqsədəuyğun hesab edilməyib.
Paytaxt rəhbərliyinin cavabının müzakirə olunacağını deyən G. Aslanlı bildirib ki, BŞİH-nın mövqeyi ölkə qanunvericiliyinə ziddir və İP-in aksiyanı keçirmək niyyətinin qarşısını ala bilməz: “Hər bir halda İctimai Palata şəhər rəhbərliyinin cavabını müzakirə edəcək və müvafiq qərarını açıqlayacaq”.
Qeyd edək ki, İctimai Palata (İP) dekabrın 10-da saat 12.00-da Milli Məclisin qarşısında etiraz aksiyası keçirməyə hazırlaşır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
