Bakı. Məlahət Nəcəfova - APA. Azərbaycan Dövlət Neft Şirkəti (ARDNŞ) 2015-ci ilə kimi Türkiyə bazarında üç ən iri istehsalat şirkətlərindən biri olmaq niyyətindədir. APA-nın məlumatına görə, bunu «SOCAR-Turkey A.Ş.»nın rəhbəri Kənan Yavuz «Hazar World»ə müsahibəsində bildirib.
Onun sözlərinə görə, ARDNŞ-ın Türkiyə iqtisadiyyatına investisiya yatırımlarının ilkin mərhələsi 2016-cı ilə kimi bitəcək.
K.Yavuz həmçinin qeyd edib ki, Xəzər qazının Avropaya daşınmasını nəzərdə tutan TANAP layihəsi regional ölkələr üçün yeni imkanlar açacaq: «Botaş»ın proqnozlarına əsasən, 2020-ci ilə kimi Türkiyənin təbii qaza olan tələbatı 70 mlrd. kubmetrə çatacaq. Bu baxımdan da Azərbaycan qazının Avropaya daşınması məsələsində yaranan gözlənilməz problemlər zamanı Türkiyənin TANAP-dan daşınacaq qazın yerli bazarda satılmasına imkan olacaq».