Bakı. Nicat Mustafayev – APA-Economics. Bu gün İstanbulda «CeBIT Bilisim Eurasia 2012» beynəlxalq informasiya texnologiyaları sərgi və konfransı keçirilir.
Azərbaycan Rabitə və İnformasiya Texnologiyaları Nazirliyindən «APA-Economics»ə verilən məlumata görə, «CeBIT Bilisim Eurasia» sərgisində 70 ölkədən 150 min ziyarətçinin iştirak edəcəyi gözlənilir, habelə 950-dən çox şirkət İKT sahəsinə aid ən yeni texnoloji həllərini nümayiş etdirəcək. Sərginin işində Azərbaycan Rabitə və İnformasiya Texnologiyaları Nazirliyinin əməkdaşlarından ibarət nümayəndə heyəti də iştirak edir. Tədbir dekabrın 2-dək davam edəcək.
Qeyd edək ki, sözügedən sərgi informasiya texnologiyaları, telekommunikasiya, proqram təminatı və İKT xidmətləri sahəsini əhatə edən dünyanın ən iri sərgilərindən biridir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
