Bu ilin yanvar-noyabr aylarında Gürcüstan 281,8 mln. ABŞ dolları dəyərində təbii qaz idxal edib.
APA-nın yerli bürosu xəbər verir ki, bu barədə Gürcüstan Milli Statistika Ofisi məlumat yayıb.
Məlumatda bildirilir ki, bu göstərici ötən ilin analoji dövrü ilə müqayisədə 10,9% çoxdur. Belə ki, ötən il qonşu ölkənin idxal etdiyi qazın ümumi dəyəri 254,2 mln. dollar təşkil edib. Qaz idxalı Gürcüstanın hesabat dövründəki idxalında payı 3,5%-ə bərabər olub.