Bakı. Fuad Cəfərov - APA. Bakı polisi evlərdən oğurluq edən şəxsi həbs edib. Bakı Şəhər Baş Polis İdarəsindən APA-ya verilən məlumata görə, Nərimanov Rayon Polis İdarəsinin 17-ci Polis Bölməsinin əməkdaşlarının keçirdiyi əməliyyat tədbirləri nəticəsinə oğurluqda şübhəli bilinən Bakı şəhər sakini, əvvəllər məhkum olunmuş Fərman Bağırov noyabrın 21-də tutulub.
Araşdırma zamanı məlum olub ki, o, iyunun 26-da Böyükşor qəsəbəsində yaşayan Əhməd Məmmədovun evindən 210 manat, iyulun 4-də X. Rza küçəsində yaşayan Zamin Dadaşovun evindən pəncərədən keçmə yolu ilə 500 manat, iyulun 7-də həmin küçədə Vəsilə Mirəliyevanın evindən 330 manat, qızıl-zinət əşyaları, PYUA küçəsində yaşayan Nailə İsmayılovanın evindən pəncərədən keçmə yolu ilə 520 manat, qızıl-zinət əşyaları və avqustun 12-də PYUA küçəsində yaşayan Baladadaş İsmayılovun evindən açıq qapıdan keçmə yolu ilə 500 manat oğurlayıb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
