Samux rayonunda ev yanıb.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, hadisə rayonun Sərkar kəndində baş verib.
Vətəndaşa məxsus ümumi sahəsi 140 m2 olan birmərtəbəli 4 otaqlı evin yanar konstruksiyaları və ev əşyaları yanıb.
Yanğın zamanı bir nəfər yanıq xəsarəti alıb. Evə bitişik talvar yanğından mühafizə olunub, yanğının qarşısı yanğınsöndürənlər tərəfindən alınıb.