Bakı. Rəşad Süleymanov – APA. Yeni İl bayramı ərəfəsində Dənizkənarı Bulvar istisna olunmaqla, Bakı şəhərində Şaxta baba fəaliyyəti göstərmək üçün 20 nəfərə icazə verilib. Bu barədə APA-ya Bakı şəhər İcra Hakimiyyətinin Ticarət və Xidmət Departamentinin mətbuat xidmətinin rəhbəri Əliabbas Bağırov məlumat verib.
Ə. Bağırovun sözlərinə görə, ümumilikdə Departamentə bununla bağlı 25 müraciət daxil olub və bu günədək onlardan 20-nə icazə verilib. Digər müraciətlərə isə yaxın günlərdə baxılması gözlənilir. Müraciətlərin çoxu paytaxtın mərkəzi hissələrində Şaxta baba olmaq istəyi ilə bağlıdır.
Ə.Bağırov onu da əlavə edib ki, Şaxta baba olmaq istəyənlər üçün verilən icazənin məbləği də dəyişməyib. Əvvəlki illərdə olduğu kimi 60 manatdır.
Şaxta babalara yanvar ayının 13-dək icazə verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
