Sahibkarlıq

Ana səhifə

Sahibkarlıq

Azərbaycanda ticarət və xidmət obyektlərində quraşdırılan POS-terminalların sayı 20 mini keçib

10 aprel 2012 10:44 (UTC +04:00)

Bakı. Vahab Rzayev – APA-Economics. Azərbaycan Vergilər Nazirliyi Mərkəzi Bank və digər banklarla birlikdə ölkədə ödəniş sistemlərinin təkmilləşdirilməsi, nağdsız ödəmələrin stimullaşdırılması, o cümlədən ticarət mərkəzlərində və digər aidiyyəti obyektlərdə POS-terminalların quraşdırılması istiqamətində tədbirləri davam etdirir.

Nazirlikdən «APA-Economics»ə verilən məlumata görə, ölkənin paytaxtındakı ticarət, xidmət və ictimai iaşə obyektlərində POS-terminalların tətbiqini sürətləndirmək məqsədilə Bakı şəhərinin 11 rayonu 60 sahəyə bölünüb.

Vergi xidməti əməkdaşları yerlərə gedərək vergi ödəyicilərinə həm texniki, həm də hüquqi cəhətdən köməklik göstərirlər. Sahibkarlara qeydiyyat ərizələrinin elektron formada göndərilməsi, lazımi sənədlərin toplanması, müvafiq banka təqdim edilməsi məsələlərində yardım olunur, zəruri maarifləndirmə işləri aparılır, hüquq və vəzifələri onlara izah edilir.

Digər vacib məqam prosesinq mərkəzləri tərəfindən gün ərzində qeydiyyata alınması mümkün olan POS-terminalların sayı ilə bağlıdır. Belə ki, əvvəllər gün ərzində maksimum 15-20 POS-terminalın qeydiyyatının mümkün olduğu halda, hazırda bu rəqəm 300-400-ə çatdırılıb. Bundan başqa, Vergilər Nazirliyi ilə prosesinq mərkəzləri arasında elektron məlumat mübadiləsinin həyata keçirilməsi üçün lazımi proqramlar sistemə yüklənib və POS-terminalların vergi orqanlarında on-line rejimdə qeydiyyata alınması təmin olunur.

Vergilər Nazirliyi və Mərkəzi Bank tərəfindən görülmüş birgə tədbirlər nəticəsində ölkə üzrə aprelin 9-a kimi qeydiyyata alınmış POS-terminalların sayı 20 mini keçib ki, bunun 18 604-ü və ya 93%-i Bakı şəhəri ərazisində fəaliyyət göstərən obyektlərin payına düşür. Məlumat üçün bildirək ki, fevralın 1-i vəziyyətinə bu rəqəm ölkə üzrə 11 933, Bakı şəhərində isə 11 156 olub.

Aktiv POS-terminalları olan bank ekvayerlərinin siyahısı (ölkə üzrə, 09.04.2012)

	Bankın adı	POS-terminalların sayı
1	Azərbaycan Beynəlxalq Bankı	2 716
2	Texnikabank	2 458
3	Zamin Bank	1 853
4	Bank Standard	1 781
5	Atabank	1 775
6	Dəmirbank	1 771
7	Bank of Baku	1 288
8	AFB BANK	1 076
9	Bank of Azerbaijan	591
10	AGBank	562
11	Kapital Bank	473
12	Rabitəbank	398
13	Azərbaycan Sənaye Bankı	396
14	Bank Respublika	372
15	Muğan Bank	357
16	Amrahbank	353
17	Unibank	230
18	Parabank	229
19	Turanbank	157
20	Express Bank	144
21	Yapı Kredi Bank Azərbaycan	144
22	Paşa Bank	138
23	United Credit Bank	101
24	Atra Bank	92
25	Debüt Bank	84
26	Kredobank	80
27	Bank Nikoil	65
28	Bank Avrasiya	53
29	Access Bank	51
30	Royal Bank	44
31	Azər-Türk Bank	41
32	Xalq Bank	41
33	Bank Silk Way	38
34	NBC Bank	30
35	Deka Bank	10
36	BANK BTB	5
37	Azərbaycan Kredit Bankı	2
38	VTB Azərbaycan	2
39	Eurobank	1
40	ABN Amro Bank Amsterdam	1
41	Gəncəbank	1
42	JP Morgan Chase Bank London	1
43	Qafqaz Inkişaf Bankı	1
44	Standard Bank London	1
	CƏMİ	20 007