Bakı. Könül Kamilqızı – APA. Azərbaycanın səhiyyə sahəsində daha bir yeniliyə imza atılıb. Səhiyyə Nazirliyindən APA-ya verilən xəbərə görə, tibbi müayinə kartının online sifarişi tətbiq edilib. Belə ki, Azərbaycanda vətəndaşlar tibbi müayinə kartının online sifarişini e-xidmət vasitəsilə Gigiyena və Epidemiologiya Mərkəzinə getmədən verə bilərlər.
Bunun üçün vətəndaşlar http://e-sehiyye.gov.az/az/register/tmks ünvanına daxil olmalıdır. Kartların üzərində və çiplərində vətəndaşa aid şəxsi məlumatlarla yanaşı, onun ilkin və dövri tibbi müayinədən keçməsi barədə məlumatlar yerləşdirilir. Kartlarda yer alan müayinələr barədə məlumatlar müayinələrin keçirildiyi tibb müəssisələrində kompüterlərə qoşulmuş kart oxuyucu qurğular vasitəsilə oxuna və dəyişdirilə bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
