Bakı - APA-Economics. "AccessBank" 2015-ci ilin iyul ayının 1-ə aktivlərini 24,06% artıraraq 1 mlrd. 156,302 mln. manata çatdırıb.
Bankdan "APA-Economics"ə verilən məlumata görə, ötən ilin analoji dövrü ilə müqayisədə bankın kredit portfeli 14,33% artaraq 830,623 mln. manat təşkil edib.
Cari ilin I yarısında bankın depozit portfeli 10,57% artaraq 282,616 mln. manata çatıb.
Hesabat dövründə əhali tərəfindən banka 256,978 mln. manat həcmində əmanət yerləşdirilib ki, bu da ötən ilin analoji dövrü ilə müqayisədə 12,92% çoxdur.
Bankın xarici öhdəlikləri il ərzində 26,85% artaraq 992,284 mln. manata çatıb.
İyulun 1-ə "AccessBank"ın məcmu kapitalının həcmi 13,34% artaraq 164,018 mln. manat, nizamnamə kapitalı isə dəyişməyərək 85 mln. manat olub.
Bank 2015-ci ilin I yarısını 2 mln. 518,69 min manatlıq mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
