Bakı-APA. Samux və Sumqayıtda ötən gecə yanğın hadisəsi qeydə alınıb. APA-nın FHN-in saytına istinadən verdiyi xəbərə görə, Samux rayonu, Kolayır kəndində (rayon mərkəzindən 5 km aralı) vətəndaşa məxsus ümumi sahəsi 64 kv.m olan birmərtəbəli 2 otaqlı evdə yanğın olub. Nəticədə evin 1 otağının tavanı 32 kv.m sahədə yanıb. Evin qalan hissəsi yanğından mühafizə olunub.
Sumqayıt şəhərində vətəndaşa məxsus ümumi sahəsi 15 kv.m olan birmərtəbəli 1 otaqlı evdə yanğın olub. Nəticədə evin yanar konstruksiyaları və 30 kv.m sahədə kol-kos yanıb. Yaxınlıqdakı tikililər yanğından mühafizə olunub.
Yanğın yanğınsöndürənlər tərəfindən söndürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
