Bakı. Cavid Zeynallı - APA. Xalq artisti, məşhur diktor Rafiq Hüseynov İstanbulda növbəti dəfə müayinədən keçib.
R.Hüseynovun APA-ya verdiyi məlumata görə, müayinə zamanı onun səhhətində problem aşkar olunmayıb: “Analizlərin cavabı yaxşı gəldi. Hər şey yavaş-yavaş qaydasına düşür. Amma bu xəstəlik daim nəzarət və müalicə tələb edir, ona görə ehtiyatlı olmaq lazımdır”.
R.Hüseynov əlavə edib ki, həkimlərin məsləhəti ilə hər üç aydan bir müayinə üçün İstanbula getməlidir: “Gedib-gəlmək, yol adamı təngə gətirir, amma başqa yol yoxdur. Müayinələrdən vaxtı-vaxtında keçmək lazımdır ki, qəfil problemlər yaranmasın”.
Qeyd edək ki, R.Hüseynov ağciyər xərçəngindən əziyyət çəkir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
