Xaçmaz. Vəli Turan -APA. Xaçmaz rayonunda səmti müəyyən etmə idman növü üzrə açıq Azərbaycan çempionatı keçirilib. APA-nın şimal bürosunun verdiyi məlumata görə, çempionatda 14 komanda olmaqla 250-dək idmançı iştirak edib.
İdmançılar “Elit”, “Open” və “Junior” kateqoriyaları üzrə orta və uzun məsafədə mübarizə aparıblar.
Azərbaycanla yanaşı yarışda Latviya, Gürcüstan, Türkiyə və Ukraynadan da idmançılar iştirak edib. 2 saat ərzində keçən yarışda qalib gələn idmançılar diplom, medal və hədiyyələrlə təltif olunublar. Komanda şəklində yarışan “Neftçi” kollektivi birinci yerin sahibi olub.
Səmti müəyyən etmə idman növü ilk dəfə 1897-ci ildə Norveçdə təşkil edilib. Azərbaycanda isə bu idman növü 1995-ci ildən keçirilməyə başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
