Bakı. Şamil Əlibəyli – APA. Rəsmi Tehran Azərbaycan və Gürcüstanla iqtisadi əməkdaşlığın inkişafı üçün bu ölkələrə nümayəndə heyətləri göndərmək niyyətindədir. APA-nın “Mehr” xəbər agentliyinə istinadən verdiyi məlumata görə, bunu Tehran Ticarət Palatasının sədri Yəhya əl-İshaq bildirib. O deyib ki, İran bu ölkələrlə iqtisadi əməkdaşlığını gücləndirmək niyyətindədir.
Yəhya əl-İshaq əlavə edib ki, İran Fars Körfəzi ölkələri və Əfqanıstanla da iqtisadi əlaqələri dərinləşdirmək istəyir.