Bakı Şəhər Təcili və Təxirəsalınmaz Tibbi Yardım Stansiyasının operativ işlər üzrə şöbəsinin böyük həkimi Zemfira Vahidova APA-ya açıqlamasında deyib ki, bu gündən etibarən Dənizkənarı Milli Parkda keçiriləcək bayram tədbirləri ilə əlaqədar Bulvar ərazisində - Hökumət Evi, Qız qalası, Kukla Teatrı və “Azneft” meydanında 4 təcili yardım briqadası növbə çəkəcək. Kütlənin daha çox olduğu Atəşgah ərazisində, bundan əlavə, icra hakimiyyətləri tərəfindən keçirilən bayram tədbirlərində həkim briqadaları növbədə olacaq.
Adətən bayram və istirahət günlərində təcili yardıma müraciət edən insanların sayının artdığını xatırladan Z. Vahidova qeyd edib ki, 140 həkim briqadası Bakının 12 rayonunda insanlara xidmət göstərəcək: “Bayram güclərində bütün təcili yardım briqadalar işdə olacaqlar. Laboratoriya, rentgen maşınları ilə birlikdə ümumilikdə 143 təcili yardım briqadası tam tərkibdə işləyəcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
