Bakı. Etibar Məmmədov - APA. Bu gün Müsavat Partiyasının gənclərdən ibarət bir qrup üzvü Rusiyanın Azərbaycandakı səfirliyinin qarşısında etiraz aksiyası keçiriblər.
Müsavat başqanının gənclərlə iş üzrə müşaviri Rüfət Hacıbəylinin APA-ya verdiyi məlumata görə, aksiyaçılar Rusiyanın Ukrayna ilə bağlı siyasətini tənqid ediblər: “Əsas məqsədimiz Rusiyanın Ukraynaya qarşı apardığı siyasətə etiraz etmək olub. Buna görə də 20 nəfər gənclə birlikdə səfirliyin qarşısında öz etirazımızı bildirdik. Aksiya 10 dəqiqə davam etdi”.
R.Hacıbəyli qeyd edib ki, etiraz qətnaməsini Rusiya səfirliyinə təqdim ediblər. Aksiya insidentsiz başa çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
