Bakı. Rəşad Süleymanov – APA. İyun ayında Ankarada Avrasiya Hərbi Statuslu Hüquq-Mühafizə Təşkilatının (TAKM) toplantısı keçiriləcək. Bu barədə APA-ya Türkiyə Jandarma Qüvvələrindən məlumat verilib.
Türkiyə, Azərbaycan, Qırğızıstan və Monqolustanın jandarma qüvvələri və Daxili Qoşunlar komandanlarının iştirak edəcəyi toplantıda TAKM-ın sədrliyinin rotasiya qaydasında Türkiyədən Qırğızıstana keçməsi gözlənilir.
Qeyd edək ki, TAMK 2013-cü il yanvar ayının 25-də Bakıda Avrasiya bölgəsində yerləşən və təşkilatda təmsil olunan ölkələrin hərbi statuslu hüquq-mühafizə təşkilatları arasında əməkdaşlığı gücləndirmək məqsədilə təsis olunub. Təşkilatın qısa adı olan TAKM onun təsisçiləri – Türkiyə, Azərbaycan, Qırğızıstan və Monqolustanın adının ingiliscə yazılışda baş hərflərindən formalaşdırılıb. Təşkilatın emblemində at (türkdilli xalqların mifologiyasından və mədəniyyətindən götürülüb) və 4 ulduz təsviri var.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
