Bakı-APA. ABŞ-ın Texas ştatında artıq 4 nəfər güclü qarın qurbanı olub. APA-nın “Assoşieyted Press”ə istinadən verdiyi xəbərə görə, insidentlər yol qəzaları və qarın yığışdırılması zamanı baş vermiş bədbəxt hadisələr nəticəsində qeydə alınıb.
ABŞ-ın 8 ştatında – Virciniya, Merilend, Şimali və Cənubi Karolina, Corciya, Alabama, Missisipi və Luizianada tüğyan edən güclü qar fövqəladə vəziyyətin tətbiq edilməsinə səbəb olub.
Şimali Karolina və Corciya ştatlarında fevralın 13-dək bütün məktəblər bağlanıb. Corciyaya elektrik enerjisinin verilişi dayandırılıb. Sinoptiklərin proqnozuna əsasən, yaxın 2 sutkada ərzində fasiləsiz güclü qar yağacağı gözlənilir, ilk 24 saat ərzində isə 25 sm-dək qar yağacağı proqnozlaşdırılır.