Bakı-APA. Əfqanıstan paytaxtında taliblər əcnəbilərin qaldığı otelə hücum ediblər.
APA-nın İTAR-TASS-a istinadən verdiyi xəbərə görə, bunu Əfqanıstan Daxili İşlər Nazirliyinin rəsmi nümayəndəsi Haşmat Stankizay bəyan edib.
O bildirib ki, hücum otelin girişində güclü partlayşdan sonra baş verib.
Partlayıcı qurğunu terrorçu-kamikadze işə salıb. Minalanmış avtomobil partladıqdan sonra bir neçə silahlı binaya daxil olub.
Taliblərin hazırda oteldə olduğu, ərazidə anti-terror əməliyyatının keçirildiyi bildirilir.
Artıq “Taliban” hərəkatı hücuma görə məsuliyyəti öz üzərinə götürüb. Taliblər bəyan ediblər ki, hədəf xaricilər üçün nəzərdə tutulmuş otel və xristian kilsəsi olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
