Bakı. Şamil Əlibəyli – APA. ABŞ silahlı qüvvələri tərəfindən Pakistan taliblərinin liderlərindən birinin yaxalanması barədə məlumat yayılıb. APA-nın “Al Arabia” saytına istinadən verdiyi xəbərə görə, ABŞ Dövlət Departamentinin mətbuat katibi Meri Harf (Marie Harf) “Təhrikiye Taliban Pakistan” təşkilatının başçılarından biri olan Lətif Məhsudun tutulması xəbərini təsdiqləyib. O bildirib ki, terrorçu təşkilat 2010-cu ildə Nyu Yorkda terror aktı törədilməsi cəhdində və Pakistandakı ABŞ diplomatlara qarşı hücum edilməsində günahlandırılır. M. Harf əlavə edib ki, terrorçular yenidən ABŞ-a qarşı hücum planlaşdırırdılar.
ABŞ Müdafiə Nazirliyinin rəsmiləri də L. Məhsudun yaxalanması xəbərini təsdiqləyərək bildiriblər ki, o hazırda ABŞ əsgərləri tərəfindən Əfqanıstanda saxlanılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
