Bakı. Könül Kamilqızı – APA. ABŞ-ın C.Hopkins Universiteti nəzdində Mərkəzi Asiya və Qafqaz İnstitutunun direktoru, professor Frederik Starr Azərbaycan Milli Elmlər Akademiyasının yeni açılmış Mərkəzi Kitabxanasının qonağı olub. Mərkəzi Kitabxananın ictimaiyyətlə əlaqələr şöbəsindən APA-ya verilən xəbərə görə, F. Starr kitabxananın İnformasiya Resursları Mərkəzinin heyəti ilə görüşü zamanı kitab fonduna yeni nəşr etdirdiyi “İtirilmiş ziya: Mərkəzi Asiyanın qızıl əsri - ərəb işğalından Tamerlana qədər” adlı kitabını hədiyyə edib. Kitabda regionun intibah dövrünün tarixindən bəhs edilir.
Əsərdə Mərkəzi Asiyanın tarixi digər regionlarla, o cümlədən Azərbaycanın daxil olduğu Qafqaz bölgəsi ilə əlaqəli şəkildə təhlil olunur. Kitabın əsas özəlliklərindən biri də millətlərin və dövlətlərin tarixinin, parlaq ziyalı və alimlərin taleyi və yaradıcılığı fonunda araşdırılmasıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
