Bakı – APA. Azərbaycan prezidenti İlham Əliyev İrlandiya prezidenti Maykl Higginsə təbrik məktubu göndərib.
APA-nın məlumatına görə, məktubda deyilir: “İrlandiyanın milli bayramı – Müqəddəs Patrik Günü münasibətilə Sizə və xalqınıza ən səmimi təbriklərimi yetirirəm.
İnanıram ki, Azərbaycan-İrlandiya əlaqələri daha da inkişaf edərək ölkələrimizin və xalqlarımızın mənafelərinə xidmət edəcək.
Sizə möhkəm cansağlığı, işlərinizdə uğurlar, dost İrlandiya xalqına əmin-amanlıq və firavanlıq diləyirəm”.