Bakı – APA. Ukraynanın sabiq daxili işlər naziri, hazırda “Avromaydan”ın liderlərindən biri olan Yuri Lusenko ölkədə vaxtından əvvəl prezident seçkilərinin keçirilməsinin mümkünsüzlüyünü etiraf edib. APA-nın “Novıy Region” agentliyinə istinadən verdiyi məlumata görə, Y. Lusenko Kiyevdə aksiya iştirakçıları ilə qeyri-rəsmi söhbətində bildirib ki, müxalifətin əsas vəzifəsi 2015-ci ildə keçiriləcək prezident seçkilərinə hazırlıqdır: “Vahid liderə ehtiyac var. Döyüşə birdən-birə 10 başçı ilə getməzlər. Səy göstərmək lazımdır ki, artıq birinci turda müxalifət namizədi 80% səs toplasın. Bu cür nəticəni saxtalaşdırmaq mümkün deyil”.
Qeyd edək ki, vaxtından əvvəl prezident seçkilərinin keçirilməsi “Avropmaydan” aksiyası iştirakçılarının tələblərindən biridir. “UDAR” Partiyasının lideri Vitali Kliçko seçkilərin 2014-cü ilin martında, yəni Konstitusiya ilə müəyyən edilmiş vaxtdan bir il əvvəl keçirilməsini təklif edib. Müxalifət vahid namizəd ətrafında yalnız seçkilərin ikinci turunda birləşməyə qərar verib, ilk turda isə müxalifətçilər ayrı-ayrılıqda seçkilərə qatılacaqlar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
