Bakı-APA. Bakıda AFFA-nın təşkilatçılığı ilə 17 yaşadək futbolçulardan ibarət yığmalar arasında III Caspian Cup beynəlxalq turnirinə qatılacaq daha bir millinin adı dəqiqləşib. Apasport.az saytının məlumatına görə, may - iyun aylarında baş tutacaq yarışda iştirakla bağlı növbəti təsdiq məktubu AFFA-ya Türkiyə Futbol Federasiyasından göndərilib.
Beləliklə, müvafiq yaş qrupundan ibarət Türkiyə yığması III Caspian Cup beynəlxalq turnirində iştirak edəcək.
Xatırladaq ki, Türkiyə komandası I və II Caspian Cup turnirində də mübarizə aparıb.