Xarici siyasət

Ana səhifə

Xarici siyasət

Yaponiya xarici işlər nazirinin sabiq müavini: “Azərbaycan regionun təhlükəsizliyində mühüm rol oynayır”

05 oktyabr 2012 08:15 (UTC +04:00)

APA-nın məlumatına görə, seksiya çərçivəsində «Virtual reallıq və cəmiyyətin inkişafı», «Gənc nəslin formalaşmasında virtual universitetlərin rolu», «Nəsillərin qarşılıqlı münasibətlərinin problemləri və perspektivləri» mövzusunda iclaslar təşkil olunub. İclaslarda yerli və xarici alimlər tərəfindən müxtəlif mövzularla bağlı məruzələr dinlənilib.

Yaponiya xarici işlər nazirinin sabiq müavini Akiko Yamanaka çıxışında deyib ki, Azərbaycan regionun təhlükəsizliyində mühüm rol oynayır: “Azərbaycanın eyni zamanda enerji təhlükəsizliyinin təminatında mühüm rola malikdir. Bu tip tədbirlər dövlətlərarası əlaqələrin inkişafı baxımından böyük əhəmiyyət daşıyır”.

Bakı Dövlət Universitetinin rektoru Abel Məhərrəmov isə deyib ki, dünya artıq Azərbaycanı bəşəri dəyərlər, humanitar və sosial inkişaf baxımından inkişaf etmiş ölkə kimi qəbul edir: «Qloballaşan dünyada elm və təhsilsiz heç nə etmək olmaz. Nəsillər arasında indiki kimi deformasiya olmayıb. Müasir gəncliyin düşüncələrini yeni müstəviyə gətirmək lazımdır. Gənclərdə dünyəvi düşüncəni biz formalaşdırmalıyıq”.