İranın xarici işlər naziri Azərbaycanda səfərdədir
15 oktyabr 2012 11:09 (UTC +04:00)
Bakı. Könül Cəfərli – APA. İranın xarici işlər naziri Əli Əkbər Salehi Azərbaycanda səfərdədir.
APA-nın İRİB-ə istinadən məlumatına görə, səfərdə məqsəd Bakıda keçiriləcək İqtisadi Əməkdaşlıq Təşkilatına (İƏT) üzv ölkələrin Nazirlər Şurasının toplantısında iştirak etməkdir.
Səfər çərçivəsində Ə.Salehi Azərbaycan və digər ölkələrin rəsmiləri ilə bir sıra görüşlər keçirəcək. İran xarici siyasət idarəsinin rəhbəri Heydər Əliyev adına Beynəlxalq Hava Limanında jurnalistlərə açıqlamasında bildirib ki, İƏT-in və təşkilatın regional mövqeyi daha da gücləndirilməlidir. Onun sözlərinə görə, İƏT-ə üzv ölkələrin nümayəndələri son iki gün ərzində keçirdikləri iclaslarda yaxşı nəticələr əldə ediblər: “Onların verdikləri qərarlar təşkilata üzv ölkələrin xarici işlər nazirlərinin yığıncağında təsdiqləndikdən sonra İƏT-ə üzv ölkələrin dövlət başçılarının zirvə görüşündə qəbul olunacaq Bakı Bəyannaməsində öz əksini tapacaq”.
Azərbaycana belə bir iclasa ev sahibliyi etdiyi üçün təşəkkür edən Ə.Salehi İƏT-in əvvəlki qərarlarının həyata keçirilməsinin sürətləndirilməsinin və üzv ölkələr arasında əməkdaşlığın artırılmasının da vacib olduğunu vurğulayıb.
APA-nın İRİB-ə istinadən məlumatına görə, səfərdə məqsəd Bakıda keçiriləcək İqtisadi Əməkdaşlıq Təşkilatına (İƏT) üzv ölkələrin Nazirlər Şurasının toplantısında iştirak etməkdir.
Səfər çərçivəsində Ə.Salehi Azərbaycan və digər ölkələrin rəsmiləri ilə bir sıra görüşlər keçirəcək. İran xarici siyasət idarəsinin rəhbəri Heydər Əliyev adına Beynəlxalq Hava Limanında jurnalistlərə açıqlamasında bildirib ki, İƏT-in və təşkilatın regional mövqeyi daha da gücləndirilməlidir. Onun sözlərinə görə, İƏT-ə üzv ölkələrin nümayəndələri son iki gün ərzində keçirdikləri iclaslarda yaxşı nəticələr əldə ediblər: “Onların verdikləri qərarlar təşkilata üzv ölkələrin xarici işlər nazirlərinin yığıncağında təsdiqləndikdən sonra İƏT-ə üzv ölkələrin dövlət başçılarının zirvə görüşündə qəbul olunacaq Bakı Bəyannaməsində öz əksini tapacaq”.
Azərbaycana belə bir iclasa ev sahibliyi etdiyi üçün təşəkkür edən Ə.Salehi İƏT-in əvvəlki qərarlarının həyata keçirilməsinin sürətləndirilməsinin və üzv ölkələr arasında əməkdaşlığın artırılmasının da vacib olduğunu vurğulayıb.
Xarici siyasət
Latviya Parlamentinin sədri Azərbaycana rəsmi səfərə gəlib - FOTO
21:29
18 may 2024
Hikmət Hacıyev ABŞ Sülh İnstitutunda COP29, regional və qlobal məsələləri müzakirə edib
20:24
18 may 2024
Deputat: Azərbaycanla Belarus dost və strateji tərəfdaş ölkələrdir
11:32
18 may 2024
Hikmət Hacıyev Baydenin müşaviri ilə Ermənistan-Azərbaycan normallaşma prosesini müzakirə edib
22:17
17 may 2024