Bakı. Məlahət Nəcəfova - APA. “Dağlıq Qarabağ münaqişəsinin həlli yalnız Azərbaycanın beynəlxalq səviyyədə tanınmış sərhədləri çərçivəsində suverenliyi və ərazi bütövlüyünə əməl etməklə mümkündür”.
APA-nın “RİA Novosti”yə istinadən verdiyi məlumata görə, bu sözləri Azərbaycan xarici işlər nazirinin müavinin Xələf Xələfov Pekində keçirilən Asiyada Qarşılıqlı Fəaliyyət və Etimad Tədbirləri üzrə Müşavirədə deyib. O, Azərbaycanın münaqişənin sülh yolu ilə həlli prinsipinə sadiq olduğunu bildirib: “Beynəlxalq ictimaiyyətin beynəlxalq hüquqa ciddi şəkildə əməl edilməsi və münaqişə ilə bağlı BMT Təhlükəsizlik Şurasının 4 qətnaməsinin yerinə yetirilməsində təkid etməsi vacibdir”.
X. Xələfov Dağlıq Qarabağ münaqişəsinin beynəlxalq sülh və təhlükəsizliyə təhdid olduğunu söyləyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
