Bakı – APA. Gürcüstanda Ermənistan vətəndaşının meyiti tapılıb.
APA-nın “Novosti-Qruziya” agentliyinə istinadən verdiyi məlumata görə, ölkənin Daxili İşlər Nazirliyinin mətbuat xidmətindən bildiriblər ki, meyit Kvemo-Kartli bölgəsində (Qaçağan kəndi yaxınlığında) Kür çayında aşkarlanıb.
Ermənistanın “tert.am” saytının Ermənistan Fövqəladə Hallar Nazirliyinə istinadən verdiyi xəbərdə isə deyilir ki, ölkədə mayın 2-dən itkin düşmüş 1960-cı il təvəllüdlü vətəndaşın axtarışları aparılıb. Yaxın vaxtlarda Gürcüstan hüquq-mühafizə orqanlarının əməkdaşları meyiti qarşı tərəfə təhvil verəcəklər.
Faktla bağlı Gürcüstanda cinayət işi açılmayıb. Məsələ ilə bağlı Ermənistan hüquq-mühafizə orqanları araşdırma aparır.